Министрдің блогынан орын алған сұрақтың иесі Бекболат Жолан есімді азамат. Оның ұсынысы бойынша 2013 жылы ҰБТ 2 кезеңнен тұруы тиіс. І-ші кезең Ұлттық тестілеу деп аталып, оқыту  тілі (ана тілі), қазақстан тарихы, математика пәндерінен мектеп түлектері сынақ тапсыруы тиіс. «Алтын белгі» үміткерлері де І-ші кезеңде анықталуы тиіс екен. Ал, ІІ-ші кезең Кешенді тестілеу деп аталып, таңдау пәнінен ғана сынақ тапсырылуы керек. Сонымен қатар, пікір білдіруші оқуға түсу барысында ескерілетін баллар мәселесіне де тоқталып өтті. Ол, ҚР ЖОО үшін 55, медициналық мамандықтар үшін 65, Ұлттық ЖОО үшін 75-тен жоғары балл бекітуді ұсынды.